[XX='prepaidwifi, c: 1249150, m: 988501'][/XX] Ang salitang 'evil' sa Isaias 45:7 ay puwede din isalin bilang
'disaster, bad times, or calamity.'
Ibig bang sabihin nito na ang Diyos ang gumagawa ng ganitong mga bagay, maging sa ngayon? Ang sagot ay hindi. Pero, may pagkakataon na siya mismo ang nagpapangyari nito. Pansinin ang mas masusing paliwanag sa ibaba.
Ang Kahulugan ng Pagpapasapit ni Jehova ng Kasamaan.
Makatuwiran lamang na nagpasapit si Jehova kay Adan ng kasamaan o kapahamakan dahil sa kaniyang pagsuway. Kaya naman sa Kasulatan, si Jehova ay tinutukoy na Maylalang ng kasamaan o kapahamakan. (Isa 45:7; ihambing ang KJ.) Ang paglalapat niya ng parusa para sa kasalanan, samakatuwid nga, kamatayan, ay naging isang kasamaan, o kapahamakan, para sa sangkatauhan. Samakatuwid nga, ang kasamaan ay hindi laging tumutukoy sa masamang gawa.
Ang mga halimbawa ng mga kasamaan o mga kapahamakang nilikha ni Jehova ay ang Baha noong mga araw ni Noe at ang Sampung Salot na pinasapit sa Ehipto. Subalit
hindi mali ang pagpapasapit ng mga kasamaang ito. Sa halip,
ang dalawang kasong ito ay nagsasangkot ng makatuwirang paglalapat ng katarungan laban sa mga manggagawa ng kamalian. Gayunman, dahil sa kaniyang awa,
may mga pagkakataong nagpipigil si Jehova sa pagpapasapit ng binalak niyang kapahamakan o kasamaan bilang paglalapat ng kaniyang matuwid na paghatol dahil nagsisi yaong mga nasasangkot. (Jon 3:10) Karagdagan pa,
sa pagbibigay niya ng babala, maibiging naglaan si Jehova ng mga pagkakataon sa mga manggagawa ng masama upang magbago ng kanilang landasin at sa gayo’y patuloy na mabuhay.—Eze 33:11.
Mga Siniping Teksto
Jonas 3:10
Nang makita ng tunay na Diyos ang ginawa nila, kung paano nila tinalikuran ang kanilang masasamang gawain, hindi na niya itinuloy ang parusang sinabi niya.
Ezekiel 33:11
Sabihin mo sa kanila, ‘“Tinitiyak ko, kung paanong buháy ako,” ang sabi ng Kataas-taasang Panginoong Jehova, “hindi ako natutuwa kapag namatay ang masama. Mas gusto kong magbago siya at patuloy na mabuhay. Manumbalik kayo, talikuran ninyo ang masamang landasin ninyo, dahil bakit kailangan ninyong mamatay, O sambahayan ng Israel?”’
Kaya, hindi si Jehova ang gumagawa ng kasamaan, kundi sa isang makatuwirang antas, ay nagpapasapit lamang siya nito kung kailangan, ngunit nagpipigil sa pagpapasapit nito kapag nakita niya ang tunay na pagisisi. Oo, hindi nalulugod ang Diyos sa kasamaan.
Awit 5:4
Dahil ikaw ay Diyos na hindi nalulugod sa kasamaan;
Walang sinumang masama ang mananatiling kasama mo
Ganito pa ang sinasabi tungkol sa kaniya:
Job 34:10
Kaya makinig kayo sa akin, kayong marurunong:
Imposibleng gumawa ng masama ang tunay na Diyos;
Hinding-hindi gagawa ng mali ang Makapangyarihan-sa-Lahat
Kaya, bagaman kinailangan ng Diyos na pasapitan ng masama o kapahamakan, si Adan at si Eva dahil sa hindi sila nagsisi kahit na binigyan sila ng Diyos ng isa pang pagkakataon, hindi naman nangangahulugan ito na kinalugdan ng Diyos ang pagpapasapit niya ng kasamaan na iyon, o ng kamatayan na iyon, gaya ng itinuturo ng Bibliya.
Pero kung napapaisip ka kung bakit hanggang ngayon ay pinahihintulutan ng Diyos ang kasamaan at pagdurusa, puwede mong i-click ang link na ito >
You do not have permission to view the full content of this post.
Log in or register now. para malaman ang sagot.
or puwede mo rin i-click ang iba pang link na ito
You do not have permission to view the full content of this post.
Log in or register now.
> You do not have permission to view the full content of this post.
Log in or register now.
You do not have permission to view the full content of this post.
Log in or register now.