"Kung ang nakaraan nga nakalimutan ko na, ikaw pa kayang nanakit sakin at nangaliwa"
Bago ang lahat, nais kong malaman mo ito
Habang ang mundo ko'y umiikot sa iyo
Minahal kita ng higit pa sa inaasahan mo
Subalit, hindi pa siguro naging sapat sayo
Minahal kita sa lalim ng aking pag-ibig
Sin lalim ng dagat sa ating daigdig
Walang ibang ngalan ang tinitibok nitong ******
Ang bawat ngalang tumatakbo sa aking pag-iisip
Kay raming segundo ang naging ating samahan
Sin dami pa ng minuto na ating naging karanasan
Di mabilang na oras ang sa atin na nagdaan
Ilang mga araw pa ang atin pang nakakaligtaan
Lumipas nga ang mga buwan, tayo nga ay nagtagal
Ubod ng saya ang sandali kahit pa nasasakal
Kay dami ng pwede at mas marami ang bawal
Patakaran mo ang sinunod upang di mo ako iwanan
Ibinigay ko ang lahat sa paraang alam ko
Pinagsilbihan kita kahit literal na alila mo
Pinalagpas ang bawat panahon tuwing kasama ang barkada mo
At sinasabing kailan lang na naging tayo
Minsan napapaisip ako sa dami ng taon
Magkasama nga tayo pero tila ako'y patapon
Masakit lang sa ****** ang mga sinasabi mo
Kapag kaharap mo sila minsan hindi tayo
Bilang pa lang naman ang taon na meron satin
Subalit ang bilang na taon na ito matagal na para sakin
Pagkat ilang segundo pa lamang na di kita makakasama
Katumbas na ng taon tuwing mananabik itong aking pandama
Hindi lang naman ang isip ko ang laging nakakakita sayo
Maging ang mata ko'y nakikita kang tumatakbo
Hindi lang ang mga balat ko ang makakaramdam ng paglamig
Maging ang puso ko'y ramdam ang iyong panlalamig sa akin
Pero salamat na rin dumating ka sa buhay ko
Ang daming tama na naging kamalian ko
Na minsan ang mga maling ito ay hindi na maitama
Dahil sayo lahat ng tama malabo ko nang makita pa
Alam mo ba kung anu-ano ang mga maling nagawa ko?
Yun yung iniwan ko lahat maging ang pangarap ko
Magtrabaho ng maaga kesa mag-aral pa
Makapag-ipon lang ng sing-sing para sa ating dalawa
Mga pag-iwas ko sa aking barakada
Na minsan din namang nakabuti sa ating dalawa
Ang pagsuway ko sa aking mga magulang
Para lang makasama ka kahit na parang may kulang
Di ako lumingon sa aking pinanggalingan
Mas ninais kong sila'y aking iwanan
Dahil namili ako kung sino ang kabilang
Pinili kita kahit pa sabihin nilang ako'y hibang
Yun ba ang ibig mong sabihin kaya nagawa mo ito sa akin?
Na akala mo kasalanan ko lahat kung bakit ako ganito
Na inakala ko minahal mo ako ng labis at totoo
Na inakala ko tama itong akala kong meron ngang walang hanggang tayo
Pero salamat, at ikaw ay nagpaalam na
Isa itong katibayan na di ka sakin nakatadhana
Dahil sa mga pangyayari na ito sa ating dalawa
Mas nakabangon pa ako at ngayon ay masaya
Akala mo siguro hindi ko makakaya
Panahon lamang ang katuwang ko upang kalimutan ka
Kung ang nakaraan nga nakalimutan ko na
Ikaw pa kayang nanakit sakin at nangaliwa
mad | pro
