"kahit hindi pa sa atin ang pag-ibig"
Ayos lang sa akin na maging takip sa butas mo
Kung ang butas na ito ang labis na nagdurugo
Mapigilan ko lang ang pagluha nito
Ng mga tumatagaktak na kulay dugo
Lalasapin ko na lamang ang bawat panahon
Tuwing pag-uusap natin ay biglang aahon
Mula sa di maipaliwanag na pagkakataon
Papahalagahan ko lagi magmula ngayon
Abutin man ng malayo tuwing mag-uusap tayo
Ngingiti pa rin kahit na magkalayo
Maiwan man ang puso sa dulo ng dulo
Mas nanaisin ko pa rin isipin ang ligaya mo
Wala kang maririnig mula sa akin
Maging sa puso ko pati sa damdamin
Hindi magnanais ika'y angkinin
Pagkat kaya kong ikaw ay hintayin
Bale wala itong nararamdamang sakit
Kung ang saktan ka niya ng pag-iwang malupit
Kung maaari lamang sa akin ka na kumapit
At kailanman ay di na makakaranas ng pait
Malugod akong iintindi at ngingiti
Upang sa gayon malimutan mo siyang muli
At tuluyan nang sakit sayo'y magapi
Mula sa pagkakakapit sayo ng matindi
Huhulma ako ng korteng puso
Gamit ang mga ngiti para sayo
Itataguyod ko ang pag-ibig ko
Ng walang hinihinging kapalit mula sayo
Iibigin kita higit pa sa pag-ibig
Lalagpasan ko anuman ang sayo'y aakit
Ibibigay ko ang lahat-lahat sa akin
Kahit hindi pa satin ang pag-ibig
-Madpro