"Iwaglit ang padalos mong isip"
Minsan kailangan natin manghusga
Upang di tayo maloko sa umpisa
Maiwasan ang pagdalos na tiwala
Nang di na mulit-muling mapaasa
Kung minsan hindi masama
Kung paghusga mo'y di sadya
Tao ka rin lang naman gaya nila
May mga mali sa isip at gawa
Di natin kailangang kumplikaduhin
Ang magtiwala agad ay aanhin
Kung ito naman nilang sasayangin
Kaya dapat nating itong suriin
Hindi masama ang magtiwala
Hindi krimen kung ito'y magagawa
Alam naman natin ito ang susi
Upang ang relasyon ay magwagi
Hindi tiyak lahat ng desisyon
Nakasalalay ito sayong direksyon
Kung papaano mo patakbuhin ito
Nang di ka makaranas ng pagkaliko
Itutok mong mabuti ang iyong isip
Sumabay sa agos ng bawat ihip
Nang di ka mahirapan sa pagsagip
Sa di makaahon na iyong panaginip
Gawin mong tama ang bawat mali
Ihalintulad mo sa guro at mga gawi
Lahat natututo sa pagkakasawi
At dun mulit tayong babangon muli
Mali ka kung iisipin mo na di patas
Ang mundo natin ay may wakas
Kung kaya't iyong damhin
Ang mga negatibo ay iyong alisin
Huwag ka puro tanggap sa umaga
Bagkus gawin mo itong halimbawa
At magsaliksik kung paano nga ba
Ang di padalos-dalos sa nadarama
mad | pro
