Iwasang ugaliin
Ayokong hanap-hanapin
Sa lahat ng naturang gawain
Huwag mo akong sanayin
Ayoko ng ganito
Isip ko'y nagugulo
Kung may ibig sabihin man ito
Ngayon palang sana, sabihin mo
Kung walang motibo
Walang isyu at hindi malisyoso
Bakit ganito?
Hindi ako isda na kakagat sa pain mo.
Sa ganitong pakiramdam
Huwag akong iwanan
Ayokong magdamdam
Panindigan mo naman.
Lahat ng ginagawa mo
Lahat ng pinapakita mo
Sana lahat ay totoo
Pero huwag mong sanayin si ako.
Ayokong dumating ang panahon
Lahat ng pinaranas mo, tuluyang maglaon
Bawat kilos, galaw, gawain sa maghapon
Ayokong mag asam, maghanap; pagdating ng panahon.
Kung sakaling magbabago
Maaari bang sabihan mo ako?
Nang sa gayo'y maparaanan ko
At hindi na masanay sa ganito.
Huwag mong isipin na ganyan siya sa iyo
Hindi lahat ng bagay ay sa iyo lamang iikot kanyang mundo
Kung siya ma'y nagkulang pagpasensiyahan
Dahil lahat tayo ay tao lamang
Siguro nga may punto ka, may punto ako o tayong lahat
Ngunit ang iyong pagdaramdam ay di pa sapat
Upang masabi mong di ka niya dapat sanayin
Sa mga pagkakataong limitado lang sa atin
Huwag mong isipin na ganyan siya sa iyo
Hindi lahat ng bagay ay sa iyo lamang iikot kanyang mundo
Kung siya ma'y nagkulang pagpasensiyahan
Dahil lahat tayo ay tao lamang
Siguro nga may punto ka, may punto ako o tayong lahat
Ngunit ang iyong pagdaramdam ay di pa sapat
Upang masabi mong di ka niya dapat sanayin
Sa mga pagkakataong limitado lang sa atin
Kung sa tingin mo may mali sa mga sinabi mo?
Sa tingin mo ba may mali rin sa sinasabi ng puso ko?
Lingit sa kaalaman ko ang umibig akong muli
Kung nasanay na ako na mag-isang nagkukubli
Madalas napaisip ako sa mga salitang binanggit mo
Ang pagkasanay ay marami din palang bersikulo
Gaya ngayon ng pagkasanay ko na mag-isa
Lalo pa't darating na ang pasko ng pagsinta
Pasensya na ngunit, hindi ako kakasa
Dahil wala sa katinuan at nakainom na.
kasama ang barkada't nanganganta.
Ni salitang aking nasasambit, hindi ko man lang maalala.
Pasensya na ngunit, hindi ako kakasa
Dahil wala sa katinuan at nakainom na.
kasama ang barkada't nanganganta.
Ni salitang aking nasasambit, hindi ko man lang maalala.