mga aktibista kahit ano pa gawin mo mag raraly mga yan
View attachment 333676
Galit ka sa aktibista?
Sino? Yung mga taong lumalaban para manatiling 8 hrs. ang trabaho mo? Galit ka sa mga taong ipinaglalaban ang national minimum wage para mawala ang provincial rate? Galit ka sa mga taong tinanggal sa trabaho na nagpoprotesta at tawag mo sa kanila ay tamad?
Sino pa? Yung mga magsasakang walang sariling lupa, galit ka sa kanila? Pero sa mga landlord kaya? Nagalit ka kaya? Kapag pinapatay ang mga magsasaka, ano? Tahimik ka at ang tingin sa patayan ay normal lang?
O baka galit ka rin sa mga estudyante na ipinaglaban ang libreng edukasyon at sasabihing mag-aral na lang sila habang pinoproblema nila ang pangmatrikula at kung paano itatawid ang pag-aaral? O ang pangingialam nila sa isyung panlipunan na hindi hiwalay sa araw-araw na pamumuhay nila?
Galit ka rin sa mga gurong lumalaban para sa mas mataas na sahod? Galit ka sa nagbibigay ng edukasyon sa mga anak ng bayan at sasabihing magturo na lang sila habang buong buhay nila ay inaalay nila para sa edukasyon?
Galit ka sa mga health workers na nagpupunta sa mga liblib na bayan ngunit tahimik ka lang kapag pinapatay sila?
Galit ka sa pambansang minorya na nagpupunta sa Maynila para manawagan? Pinakinggan mo ba sila kahit minsan? Alam mo bang pinapalayas sila sa kanilang lupang ninuno? Alam mo ba na pinapatay sila?
Pati sa simbahan, nagagalit ka kapag nangingialam sila sa isyung panlipunan at babanatan mo ng separation of church and state nang hindi ito iniintindi?
Galit ka sa mga nananawagan ng hustisya sa lipunan pero panay ka rin naman reklamo kapag apektado ka na?
Kailangan mo pa bang maapektuhan muna at maranasan ang nararanasan nila bago ka mangialam?
Sabi ng isang manunulat, patay na isda lamang ang sumasabay sa agos.