Ang foundation ng lahat ng religion ay ang BIBLIA kaya makabubuting iyo munang suriin at pagaralan mabuti ang nilalaman ng biblia both old and new testament upang magkaroon ka ng sariling pagkaunawa sa nilalaman nito. Iyong suriin kung ito nga bang biblia ay naglalaman ng salita ng DIOS dahil baka naman hindi totoo yun mga sinasabi ng mga pastor ng relegion.
Personally ay hindi ako naniniwala na kailangan ng tao ang religion dahil sa akin walang religion ang tunay na DIOS dahil siya ay walang kailangan kanino man sa kanyang mga nilikha kundi ang kanyang mga nilikha ang meron pangangailangan sa kanya. Ang tunay na DIOS kung arukin ng isip ng tao ay omnipotence, omniscience, and omnipresence kaya paanong mangangailangan sa tao ng pagsamba at pagpuri? Hindi rin siya maaaring magalit dahil punong puno siya ng pagibig at pagunawa kaya walang puwang ang galit sa kanya, ito ay taliwas sa itinuturo ng mga religion dahil ang dios na ipinakikilala ng religion at ng biblia ay humuhusga, nagagalit at pumapatay eh nasaan ang pagibig kung ganoon, nasaan ang walang hanggang pangunawa?
Tayong mga tao nga ay hind magagawang sunugin o patayin ang ating mga anak kung nakakagawa ang mga ito ng pagkakamali o kasalanan, ano at ang dios ng religion ay itatapon sa impyerno ang kanyang mga anak dahil sa nalkagawa ng kasalanan ang mga ito? Ibig ba sabihin ay nakakahigit pa tayong tao sa dios sa larangan ng pagibig sa kapwa? Hindi kaylan man mahihigitan ng tao ang Dakilang Lumikha kaya sa puntong ito ay makikita mo ang mali ng mga religion.
Narito pa ang isang palaisipan na aking ibabahagi sa iyo para matulungan ka sa iyong pagsasaliksik at pagiisip, ito ay hango lahat sa biblia kaugnay ng pangyayaing naganap sa garden of eden:
Mula sa aklat ng Genesis: Nilalang ng Dios si Adan mula sa alabok ng lupa at kanya itong inilagay sa halamanan ng Eden at mula sa tadyang ni Adan ay nilikha ng Dios si Eva. Sa Genesis 2:16-17: "at iniutos ng Panginoon Dios sa lalake, na sinabi, Salahat ng punong kahoy sa halamanan ay makakakain ka ng may kalayaan.Datapwat sa kahoy nag pagkakilala ng mabuti at masama ay huwag kang kakain sapagkat sa araw na ikaw ay kumain niyaon ay walang pagsalang mamamatay ka. Sa Genesis 3:1: Ang ahas nga ay lalong tuso kaysa alinman sa mga hayop na nilikha ng panginoon Dios. At sinabi niya sa babae , tunaYy bang sinabi ng Dios huwag kayong kakain sa alin mang punong kahoy sa halamanan? 2: At sinabi ng babae sa ahas, sa bunga ng mga punong kahoy sa halamanan ay makakakain kami. 3: Datapuwat sa bunga ng punong kahoy na nasa gitna ng halamanan ay sinabi ng Dios huwag kayong kakain niyaon ni huwag ninyong hihipuin baka kayo ay mamatay. 4: At sinabi ng ahas sa babae, tunay na hindi kayo mamamatay, 5: Sapagkat talastas ng Dios na sa araw na kayo ay kumain niyaon ay madidilat nga ang inyong mga mata at kayo ay magiging parang Dios na nakakakilala ng mabuti at masama."
Natuksong kumain si Eva at kanyang binigyan din si Adan. Pagkakain nila ay saka pa lang nila nalaman na sila ay hubot hùbád kaya gumawa sila ng kanilang saplot sa katawan. Sa pangyayaring ito ang nagsabi ng totoo ay ang ahas dahil hindi nman namatay si Adan o si Eva na tulad ng sinabi ng Dios. Maihahambing sa isang paslit na bata ang kaisipan ng magasawa bago sila nakakain ng bunga, kaya naman hindi maaaring makasunod sa utos ng Dios bagay na alam din naman ng Dios. Bakit nasa garden of eden ang ahas? Dahil ang papel ng ahas ay tuksuhin ang babae. Dahil sa kasalanan nagawa ni Adan at ni Eva ang lahat ng mga tao ay naging makasalanan na din.
Ayon din sa biblia ang panganay sa isipan ng Dios ay ang Kristo at ang lahat ng bagay na nilalang ng Dios ay para sa kanya. Ang ibig sabihin ng salitang kristo ay savior o tagapagligtas. Kung hindi papasok ang kasalanan sa tao sino ang ililigtas ng kristo? Kung hindi ipinagkanulo ni Hudas si Jesus ay hindi magiging ganap ang kanyang pagiging kristo. Nakikita mo ba na ang lahat ng character sa dramang naganap ay meron kanikanyang papel na gagampanan kaya naman hindi sila dapat na parusahan dahil sinunod lang nila kung ano yun itinakda. Lalong hindi sila dapat na ihulog sa impyerno tulad ng itinuturo ng mga religion.
Ikaw na ang bahalang magisip kapatid and feel free to ask me any questions. Kunin mo lang yun umaayon sa iyong panlasa at iwan mo yun ayaw mo. Walang pilitan kundi palitan lamang ng kaisipan.
