BIGLANG natahimik ang isyu sa Dengvaxia vaccine? Anyare? Pagkaraan ng mga pagdinig sa Senado, biglang natahimik ang mainit na pagtatalo ukol sa bakuna na ibinigay sa may 700,000 na mga bata noong 2016. Wala na ring marinig sa Department of Health (DOH) ukol sa Dengvaxia. Nakabibingi ang katahimikan. Ang huling balita na may kaugnayan sa Dengvaxia ay ang pagkakalagay sa look-out bulletin ng Bureau of Immigration kay dating Pres. Noynoy Aquino, dating Budget Sec. Butch Abad at dating DOH Sec. Janet Garin. Sila ang mga nasa likod nang pagbibigay ng bakuna na ang halaga ay P3.5 bilyon.
Pero hindi ito ang mahalagang dapat pag-usapan ngayon kundi ang kalagayan ng mga bata na hindi pa nagkaka-dengue pero nabakunahan. Nakagawa na ba ng listahan ang DOH ukol sa mga bata na nabakunahan? Nakausap na ba ang mga magulang ng bata? Mayroon na bang mga plano ang DOH sa mga bata sakali’t dumating ang kinatatakutang paglala ng sakit makaraang bakunahan.
Mahalagang magkaroon ng komunikasyon sa magulang ng mga bata sapagkat sila ang nakaaalam ng mga nangyayari sa kanilang anak. Kailangan nila ng tamang inpormasyon kung ano ang mga gagawin sakali’t lumubha ang sakit.
Sabi ng Malacañang nang unang pumutok ang ukol sa Dengvaxia, huwag daw mag-panic ang mga magulang ng batang nabakunahan. Hindi raw dapat mangamba sapagkat ginagawa na ang lahat. Pero maiaalis ba sa mga magulang na huwag mangamba gayung nasa katawan ng kanilang mga anak ang bakuna. Malaking isipin ito para sa mga magulang lalo nga’t sinabi mismo ng Sanofi Pasteur, manufacturer ng Dengvaxia, na malalang sitwasyon ang mangyayari sa mga hindi pa nagkaka-dengue kapag binakunahan nito.
Base sa report, mga bata na edad siyam na taon pataas na nagmula sa public schools ang nabakunahan at karamihan ay nasa Metro Manila, Calabarzon, at Central Luzon. Ang Pilipinas ang unang bansa sa Asia na nakatikim ng bakuna. Ang programa para bakunahan ang mga bata ay agad inaprubahan ng Department of Health (DOH) sa loob lamang ng apat na buwan gayung ang haba ng pag-aapruba ay dalawang taon.
Hanapin ang mga batang nabakunahan at alamin ang estado ng kanilang kalusugan sa kasalukuyan. Huwag pabayaan ang mga walang muwang na bata na lumalabas na pinagpraktisan ng bakunang Dengvaxia
Source: PhilStar. 2017. Ano nang nangyari sa dengvaxia?. Retrieved from: You do not have permission to view the full content of this post. Log in or register now.
Attachments
-
You do not have permission to view the full content of this post. Log in or register now.