Ang hula sa akin noon ay makakapag-asawa ng foreigner na kulot ang buhok na siyang aahon sa akin sa hirap.
Pero ang nangyari, iba. Nakatagpo ako ng Pinoy na napaka-iresponsable at puro pagkakalikot lang ng motor nya ang inatupag. Kulang na lang e kulambuan ang motor nya. Ako ang nag-aasikaso ng buong buhay namin. Mula sa pagtatrabaho, pagbabyad ng bills hanggang paglilinis, paglalaba, pagluluto, etc..etc.. sa bahay.
Siya, me trabaho, pero hindi nagbibigay ng share sa bahay. Magbigay man, kulang pa sa bunganga nya yung intrega nya. Kasi addict sa motor. Dalawa na ang motor nya, bumili na naman ng pangatlo. Tapos ibebenta, bibili na naman ng bago. Laging ganun.
Kaya hiniwalayan ko siya. Ngalngal ang mokong. Para siyang nagtampo sa bigas. Ugali ko pa naman, mahaba ang pasensya ko. Pero once na nagdesisyon ako, there's no turning back. No more second chances!