JUAN MANUEL MARQUEZ
Balik-gym na si Mexican boxing legend Juan Manuel Marquez at posibleng sumabak muli sa Setyembre, ayon kay veteran trainer Ignacio ‘Nacho’ Beristain.
Hindi na lumaban si Marquez mula nang talunin si Mike Alvarado via unanimous decision noong Mayo 2014 at pinoproblema ang kanyang knee injury.
Pero sa kabila nito, sinabi ni Beristain sa Boxingscene, hindi naman pinagwawalang-bahala ang nasabing isyu sa pagbabalik ni Marquez.
“I could see (Marquez returning) in September. He looks forward to working in the gym. We have a singular joy whenever he steps in the gym,” lahad ng beteranong trainer. “He works very hard.”
Wala pa daw kalaban si Marquez, ayon kay Beristain, pero ang alam niya’y nais ni ‘Dinamita’ na sumabak para sa championship belt.
“I don’t know the opponent,” ani Beristain. “I think a world title fight, a title in his fifth division, would be something he’d like.”
Binanggit ni Beristain si Kell Brook bilang potensiyal na kalaban, gayundin ang iba pang champions.
Huling humawak ng world championship belt si Marquez nang ma-knockout niya si Manny Pacquiao sa 6th round ng kanilang historic 4th fight noong Disyembre 2012, pero naagaw sa kanya ang titulo ni Tim Bradley noong Oktubre 2013.