Kung naniniwala ang isang tao sa sinasabi ng Bible, malamang na mas ituturing niya na tama ang sinasabi nito kung tungkol sa mga mahihiwagang bagay o misteryosong mga pangyayari na nagaganap sa mundo.
Bakit may mga nangyayring misteryosong mga bagay sa mundo, gaya ng paglitaw ng mga UFO, paniniwala sa mga extraterrestrial, or pagpapakita ng sinasabing mga yumao ng mahal sa buhay?
Sinasabi ng Bible na ang isa na masama ang kumokontrol ngayon sa mundo, at tinukoy siya ng Bibliya bilang si Satanas na Diyablo.
At pansinin mo kung paano inilarawan si Satanas sa Bible.
Alam natin na tayo ay nagmula sa Diyos, pero ang buong mundo ay nasa ilalim ng kapangyarihan ng isa na masama. (1 Juan 5:19)
Kaya yamang ang buong mundo ay nasa impluwensiya ngayon ni Satanas na Diyablo, ang isa na masama, gagawa at gagawa siya ng paraan para iligaw ang mga tao at ilayo ang mga tao sa Diyos.
”Kaya inihagis ang malaking dragon, ang orihinal na ahas, ang tinatawag na Diyablo at Satanas, na nagliligaw sa buong mundo; inihagis siya sa lupa, at ang mga anghel niya ay inihagis na kasama niya.” (Apoc. 12:9)
”Kayo ay mula sa inyong amang Diyablo, at gusto ninyong gawin ang mga kagustuhan ng inyong ama. Mamamatay-tao siya nang siya ay magsimula, at hindi siya nanindigan sa katotohanan, dahil wala sa kaniya ang katotohanan. Nagsisinungaling siya dahil iyon ang personalidad niya, dahil isa siyang sinungaling at siya ang ama ng kasinungalingan.” (Juan 8:44)
Para hindi tayo malamangan ni Satanas, dahil alam naman natin ang mga pakana niya. (2 Cor. 2:11)
Oo, si Satanas na ama ng kasinungalingan, na siyang nagliligaw sa mga tao sa buong mundo, ay mayroong mga pakana. Ang hiwaga ng kalawakan, at pagsasaisip na mayroong buhay sa iba pang planeta ay isang paraan na ginagamit ni Satanas para ilayo ang mga tao sa Diyos at sa kaniyang salita, ang Bibliya. Paano? Gustong-gusto kasi ni Satanas na magfocus ang mga tao sa paghahanap ng sagot sa hiwaga ng kalawakan sa pamamagitan ng pagfofocus sa mga bagay na iyon, pagreresearch sa mga iyon, at pagtuklas sa mga bagay na iyon, sa halip, na gustuhin ng mga tao na tuklasin ang sinasabi ng Bible tungkol sa Diyos.
Inilalayo ng gayong hiwaga ang mga tao sa tunay na Diyos na nagsasabi ng katotohanan tungkol sa mga pakana ni Satanas. Oo, iyan ang gustong mangyari ni Satanas, hanapin ng mga tao, hindi ang tunay na Diyos, na si Jehova, kundi ang ibang mga bagay gaya ng paniniwala sa UFO at extraterrestrial.
Kaya, ang mga “patunay” daw na mayroong UFO, ay isa lamang sa mga pakana ni Satanas upang iligaw ang mga tao, at upang patuloy na mgsaliksik ang mga tao ng buhay sa labas ng planetang lupa kung saan nagmula ang mga tao.