Mind Palace II
Enthusiast
- Joined
- Aug 8, 2022
- Posts
- 102
- Reaction
- 60
- Points
- 35
Mga teksto sa Bibliya tungkol sa pagkakaibigan
Awit 119:63: “Kaibigan ako ng lahat ng natatakot sa iyo at ng mga sumusunod sa mga utos mo.”
Ibig sabihin: Dapat tayong pumili ng mga kaibigan na sumasamba sa Diyos at sumusunod sa mga pamantayan niya.
Kawikaan 3:32: “Nasusuklam si Jehova sa mga mapanlinlang, pero ang matuwid ay matalik niyang kaibigan.”
Ibig sabihin: Dapat na maging tapat at may malinis na pamumuhay ang mga gustong maging kaibigan ng Diyos.
Kawikaan 13:20: “Ang lumalakad na kasama ng marurunong ay magiging marunong, pero ang sumasama sa mga mangmang ay mapapahamak.”
Ibig sabihin: Ang mga tao ay puwedeng maimpluwensiyahan ng mga nakakasama nila sa positibo man o negatibong paraan.
Kawikaan 17:17: “Ang tunay na kaibigan ay nagmamahal sa lahat ng panahon at isang kapatid na maaasahan kapag may problema.”
Ibig sabihin: Ang tunay na kaibigan ay laging nandiyan sa lahat ng pagkakataon.
Kawikaan 18:24: “May magkakasamang ipinapahamak ang isa’t isa, pero may kaibigang mas malapít pa kaysa sa isang kapatid.”
Ibig sabihin: Hindi sinasamantala ng isang tunay na kaibigan ang tiwala ng isang tao. Sa halip, ang tunay na kaibigan ay tapat, mapagkakatiwalaan, at mapagmahal.
Kawikaan 27:6: “Ang mga sugat na dulot ng isang kaibigan ay tanda ng katapatan.”
Ibig sabihin: Ang tunay na kaibigan ay hindi mag-aatubiling ituwid tayo kung kinakailangan.
Kawikaan 27:17: “Kung paanong ang bakal ay napatatalas ng bakal, napatatalas din ng isang tao ang kaibigan niya.”
Ibig sabihin: Ang mabuting magkaibigan ay mabuting impluwensiya sa isa’t isa.