What's new

Trivia 20 Paraan Para Humaba Ang Buhay

Gentleman007

Forum Expert
Elite
Joined
Sep 19, 2016
Posts
3,537
Reaction
7,198
Points
2,914
Mayroong mga epektibong paraan para humaba ang iyong buhay. Sana ay sundin niyo ang mga payong ito:

Suriin ang iyong vitamins at supplements –

Ang isang magandang supplement ay ang Omega-3 fish oil. Ito’y napatunayang nagpapahaba ng buhay dahil pinapaluwag nito ang ating mga ugat.

Mag-relax

Magbawas ng mga gawain at pinoproblema sa buhay. Kapag lagi kang galit at mainitin ang ulo, tataas ang iyong stress hormones sa katawan.

Magdasal

Ayon sa pagsusuri, ang mga taong madasalin at masiyahin ay mas mahaba ang buhay kumpara sa mga hindi naniniwala sa Diyos.

Magpabakuna

Malaki ang tulong ng bakuna para makaiwas sa sakit. May mga bakuna laban sa hepatitis B, pulmonya, trangkaso, at iba pa. Magpakonsulta sa doktor.

Umiwas sa alak

Nakasisira sa ating ugat, utak at atay ang alak.

Magpatingin sa magaling na doktor

Ang trabaho ng isang doktor ay ituro sa iyo ang dapat ipasuri sa iyong katawan. Magpa-blood test, urinalysis, X-ray at ECG bawat 1 o 2 taon.

Mag-ehersisyo

Ayon sa mga eksperto, kahit konting ehersisyo lang ay makatutulong na sa kalusugan. Maglakad, umakyat ng hagdan, at maglinis sa bahay.

Mag-asawa o magkaroon ng kasama sa buhay

Mas mahaba ang buhay ng mga may asawa dahil may magbabantay sa iyo kapag ika’y nagkasakit.

Magkaroon ng positibong pananaw sa buhay

Laging mag-isip ng maganda tungkol sa iyong sitwasyon at kapwa. Magbasa at manood ng mga “good news” lamang.

Tumulong sa kapwa

Ayon sa pagsusuri, ang taong matulungin ay nagiging mas masaya at mas healthy kumpara sa iba.

Umiwas sa bisyo at peligro

Huwag sumabak sa mga bisyo na makasasama sa iyo. Iwas sigarilyo, iwas alak at iwas droga. Mag-isip muna bago mag-desisyon.

Mag-ipon ng pera

Kailangan natin ng pera para makabili ng gamot at magpa-check up.

Mag-enroll sa PhilHealth o kumuha ng health card

Napakalaki ng benepisyo kung ika’y may PhilHealth card. Malaki ang mababawas sa inyong gastusin pang-ospital.

Kumain ng 2 tasa ng iba’t-ibang prutas at gulay araw-araw.

Ang pinakamasustansyang prutas ay ang saging, pakwan, mansanas at dalandan.

Kumain ng 2 tasa ng maberdeng gulay araw-araw

Kumain ng matatabang isda tulad ng sardinas (tamban), bangus, salmon, tilapia at mackerel (hasa-hasa, galunggong at tuna).

Magpapayat

Alamin ang iyong tamang timbang at piliting maabot ito. Piliin ang pagkain base sa kabutihan na maidudulot sa ating katawan.

Uminom ng gamot sa high blood at diabetes kung kinakailangan

Kung ang presyon mo ay lampas sa 140 over 90, ang ibig sabihin ay may altapresyon ka. Kung ang iyong fasting blood sugar ay lampas 125 mg/dl, ang ibig sabihin ay may diabetes na. Kumonsulta sa doktor para malaman ang dapat inumin na maintenance na gamot.

Alamin ang sakit

Magbasa at aralin ang iyong sakit. Kung mas maaga kang magpapa-check-up ay mas maaga nating malulunasan ang iyong nararamdaman.

Itigil ang sigarilyo

Tinatayang 6 na taon ang mababawas sa iyong buhay kung ika’y naninigarilyo. Itigil na ang sigarilyo at siguradong hahaba ang iyong buhay.
 
In short iwasan ang bisyo at magkaroon ng healthy lifestyle. Turmeric mas ok sa fish oil dahil may mercury daw ang fish oil at nabubulok.
 
Huming habang nabubuhay, dahil isa sa mga unang dahilan kung bakit namamatay ang isang tao ay dahil sa pagtigil ng hinga.
 
Back
Top